සිහින

මැවුවද කාලයක්
දැකීමට සිහිනයක්
සත්තමයි
එය සිහිනයක් බව නොදැනුනි
නික්ම ගිය නිනව්වක
අමාවක සඳ මසිත
පායයි ද හෙට දිනක
සැබෑ වු සිහිනයක
බැමි ‍කඩොලු හැම තැනක
ගොඩ නඟා ගනු මිසක
නිවි යන පහන් සිල
සොයා යන්නේ කෙලෙස
සසර දිගු වනු මිසක
සිහිනමය රාත්‍රියක

පෝලිම

ලේකම් තුමා හමුවට
ඉක්මන් පෝලිමට
හිටපු ලේකම්වරු,
දොස්තරවරු,
දේශපාලක සම්බන්ධිකරණ ලේකම්වරු,
මව්වරු
දරුවන් ..... ඉක්මන් ගමනින් ඉදිරියට ම යයි
කල්මරණ පෝලිමට
සිසු දරුවන් සේ දෑස් පැදුවූ
ඉහත සියළු අය වීමට මඟ කියා දුන්
ගුරු භවතුන්ය...

වගකීම්

හිත බරයි
ගත වෙහෙසයි
නුඹ ගැනම සිත තැවෙයි
අද දිනද
හෙට දිනද
නුඹේ ජය මගේ ජය
හිත වෙහෙසකර
හෙට දින නුඹ
තුටු කර
සදමි හෙට අද දිනේ
නුඹේ කදුලු
මට බරයි පුතේ...