පෝලිම

ලේකම් තුමා හමුවට
ඉක්මන් පෝලිමට
හිටපු ලේකම්වරු,
දොස්තරවරු,
දේශපාලක සම්බන්ධිකරණ ලේකම්වරු,
මව්වරු
දරුවන් ..... ඉක්මන් ගමනින් ඉදිරියට ම යයි
කල්මරණ පෝලිමට
සිසු දරුවන් සේ දෑස් පැදුවූ
ඉහත සියළු අය වීමට මඟ කියා දුන්
ගුරු භවතුන්ය...

වගකීම්

හිත බරයි
ගත වෙහෙසයි
නුඹ ගැනම  සිත තැවෙයි
අද දිනද
හෙට දිනද
නුඹේ ජය මගේ ජය
හිත වෙහෙසකර
හෙට දින නුඹ
තුටු කර
සදමි හෙට අද දිනේ
නුඹේ කදුලු
මට බරයි පුතේ...

සිහින බිම වැතිරීම

කල්පයක් දුර ගොස්
ගොඩ නැගූ සිහින කෙත
පිපී මල් සැමතැනම
නික්ම ගොස් සිහින බිම
සුපුන් වත හිමි නුඹට
ආදරය තෙරපිලා
සිතේ රැදි තුටු සතුට 
වේදනා හඳ මඩල
එක් නිමක හමුවෙලා
මගේ සිත සතුටින්
සොම්නසින් මුසු වෙලා
පතන්නම් සුබ පැතුම්
වලාපට සැඟවෙලා...

බීජානු කාලය

මහ වැස්සක් කඩා හැලී
මුළු රටම සෝදාදමා
නව බීජ වැපිරීමට
සුදුසු ලෙස සුවදවත් පසක්
පෙර පැවති වල් පැල එකින් එක ගලවා
නව බීජාංකුර පැල කරමු
හැමදාම පරා ද වුවද
එක් නිමේශයක්වත්
අළුත් බීජ වපුරමු
රට අගාදයෙන් ටික දුරකටවත්
උඩට ඔසවා තැබීමට
මේ බීජානු කාලයයි.